LAOAG CITY – Adalen ni Presidente Ferdinand Marcos Jr. iti gakat a pannakaitantan ti 2026 Barangay ken Sangguniang Kabataan Elections (BSKE).
Inbatad ni Palace Press Officer Atty. Claire Castro, daytoy ket no mabenepisiaran ken makainot ti gobierno ti mapatta-patta a 16 bilyon a pisos.
Inlawlawagna a no dagiti agpanpanday linteg ket mangipasa ti gakat para iti pannakaitantan ti 2026 Barangay ken Sangguniang Kabataan Elections ket adalen latta daytoy ni Presidente Marcos ken nakasagana a suportaran no mabenepisiaran ti pagilian.
Maipalagip nga idi Agosto 2025 ket pinirmaan ti Presidente ti Republic Act No. 12232 a gagem iti pannakaitantan ti December 2025 Barangay ken Sangguniang Kabataan Elections iti umuna a Lunes ti Nobiembre 2026.
