LAOAG CITY – Nagballaag ni National Bureau of Investigation Director Melvin Matibag iti panangipalubos ti Senado nga agbalin a paglemmengan dagiti tattao a mapagsungsungbat iti linteg.
Daytoy ket kalpasan nga inpalubos ti Senado a makalibas ni Senador Ronald Dela Rosa nga addaan ti warrant of arrest manipud iti International Criminal Court.
Kuna ni National Bureau of Investigation Chief a no aramiden daytoy ti Senado ket maaddaan ti risgo daytoy ken makadadael iti panagtalek ti publiko.
Agbalin a dakes daytoy iti imahe ti Senado gapu ta arig agbalbalin a paglemlemmengan isuda dagiti sumangsango ti kaso.
Maipalagip nga inpasigurado ti Senado nga ikabilda ni Dela Rosa iti ‘protective custody’ ken ipaimada kadagiti otoridad ngem binabay-anda a makalibas.
