LAOAG CITY – Natay ti maysa a negosyante kalpasan a nakuryente iti Brgy. 22, San Guillermo, San Nicolas, Ilocos Norte.
Nabigbig ti biktima a ni Jerry Baga y Cruz, agtawen ti 43, naasawaan, negosyante, residente iti nadakamat a barangay ngem ti pagbotbotosan na ket iti Barangay 24 ti nasao nga ili.
Iti inisyal nga imbestigasyon, kabayatan ti panagwel-welding ti biktima iti bubungan ti balay da ket aksidente a nakuryente kalpasan na ket natennag iti datar a nagsagabaan na ti sugat iti ulo na.
Naitaray a dagus ti biktima iti Black Nazarene Hospital ngem naideklara daytoy a dead on arrival babaen ken ni Dra. Anne Margarette Abuluyan.
Agtultuloy ti imbestigasyon dagiti otoridad tapno maamoan no ania ti pudno a napasamak mainaig iti pannakakuryente ni Baga.
