LAOAG CITY – Manamnama nga iparuk-at ti New York judge iti hush-money case ni United States President-elect Donald Trump ti desisionna inton sumaruno a lawas.
Segun ken ni New York Judge Juan Merchan a mabalin a a mapatawan ni Trump ti conditional discharge a posible a ti kaso ket maibasura nga awan ti pannakaibalod, multa wenno probation tapno agatendar ti personal wenno virtual para iti panagdengngeg.
Namunganay ti kaso iti pannaka-convict ni Trump idi Mayo ti 34 felony counts ti panangpeke ti business records nga adda ti pakainaiganna iti panagbayadna ti $130,000 ken ni adult film star Stormy Daniels.
Immunan a ginandat ni Trump ti panagballi daytoy iti eleksion tapno maibasura ti kaso kontra kenkuana.
