LAOAG CITY – Naartapanen ti National Food Authority – Ilocos Norte Branch ti target-da a gatangen nga irik ita a tawen.
Segun ken ni Engr. Jonathan Corpuz, Branch Manager ti National Food Authority – Ilocos Norte Branch, dumanon iti 71,400 a bags palay stocks ken 9,230 a rice stocks ti adda iti bodegada.
Inlawlawagna nga uray saan nga adayo unay ti target stock-da ket maragsakanda gapu ta iti napalabas a tawen ket saanda a nagun-od daytoy.
Gapu iti daytoy, kunana a saan nga agbalin a problema maipapan iti stock ita a panawen ti panagtutudo wenno no adda ti sumangbay a bagyo ditoy probinsia.
