LAOAG CITY – Pinasingkedan ni Engr. Rommel Batuac, ti chief operation iti National Irrigation Administration nga awanen ti timmaod a problema dagiti mannalon ditoy probinsya.
Segun kenkuana, naulimek dagiti mannalon gapu ta adda ti makaumanay a danom nga usaren dagiti mannalon.
Kunana a malaksid kadagiti irigasyon manipod iti karayan ket adda pay dagiti naestablisar a pagpasayak da iti danum kadagiti kataltalonan babaen kadagiti solar powered pump.
Inlawlawag ni Engr. Batuac nga idi napalabas a tawen ket nagpasar ti El Nin̈o iti pagilyan a nangitunda iti panagkidtid ti danum.
Kunana nga ita tawen ket awan ti panagkurang ti supply ti danum kadagiti kataltalonan rason a natungpal dagiti programa ti irrigated system iti National Irrigation Administration.
