LAOAG CITY – Agtultuloy ti panagngato ti kaso ti obesity iti Pilipinas a maibilang a maysa nga epidemic.
Inladawan ti National Cancer Institute ti obesity kas maysa a chronic disease a gubuay ti abnormal wenno nalabes a panagurnong ti taba iti bagi.
Agtultuloy a ngumatngato ti obesity rate iti lubong no sadinno a 8 a porsiento ti agtutubo ken 16 a porsyento dagiti nataengan ti overweight ken obese.
Nagballaag dagiti eksperto a no saan a malapdan ket mabalin a mangitund daytoy ti nagduduma a sakit wenno komplikasyon.
Maibasar pay iti 2023 National Nutrition Survey ti Department of Science and Technology – Food and Nutrition Research Institute (DOST-FNRI), rumrumuar a nangatngato ti risgo ti obesity kadagiti babbai.
Malaksid iti daytoy, makaapektar pay daytoy iti reproductive health, aglalo iti panagsikog.
Karaman kadagiti possible nga itunda ti komplikasyon iti panagsikog ti obesity ket ti pannakaregreg ti sikog, pannakatay ti maladaga iti buksit ti ina, gestational diabetes, preeclampsia ken sleep apnea.
Mabalin a maliklikan dagitoy no baliwan dagiti ipapauneg, makipaset iti nagduduma nga aktibidad, mental health support, medication ken weight loss surgery.
