LAOAG CITY – Inbutaktak ti Office of the Ombudsman nga adda ti iggem da a sumagmamano pay a testigo kontra ken ni dati nga House of Representatives Speaker Martin Romualdez.
Basar iti statement, adda ti 28 a testigo ti nakasagana a mangitudo ken mangibutaktak iti pagsungsungbatan ti dati nga house speaker.
Kuna ti ombudsman a kabaelan dagiti testigo ti mangipaay ti direkta ken materyal nga ammo kadagiti transaksyon a mangtingiting iti kaso ni Leyte 1st District Rep. Martin Romualdez.
Naipadalan metten ti nasurok a 20 a testigo iti legal a proseso ti Office of the Ombudsman iti agdama.
Naipalaon pay iti statement a dagiti testigo a nadakamat ket dagiti tattao a nakauniporme ken aktibo paylaeng iti serbisyo.
Inrakurak daytoy ti Ombudsman kalpasan ti report nga inbabawi ti dati a soldado a ni Orly Guteza iti immuna a rakurak na a nag-deliver ti minaleta a kwarta iti balay ni dati nga House Speaker Romualdez.
Inpetteng ti Ombudsman a saanen a baro ti recantation kadagiti high-profile case ken inawagan na a classic pressure tactic laeng ti addang.
