LAOAG CITY – Inbatad ni Ombudsman Jesus Crispin ‘Boying’ Remulla a binilin nan ti National Bureau of Investigation (NBI)ken Bureau of Fire Protection (BFP) tapno imbestigaren a naimbag ti pannakauram ti maysa a pasdek ti Department of Public Works and Highways iti Quezon City tapno maestablisar no nairanta wenno ‘arson’ ti makaigapu iti insidente.
Mainaig iti daytoy, kinumpirmaran ti Department of Public Works and Highways (DPWH) nga awan ti dokumento nga adda ti pakainaigan iti imbestigasyon iti flood control anomalies ti maipagarop a nairaman iti pannakauram ti Bureau of Research and Standards (BRS) building iti Quezon City ita nga aldaw ti Huwebes, Oktubre 22.
Basar iti inisyal nga imbestigasyon, nangrugi ti apoy iti maysa a computer unit iti uneg ti Materials Testing Division a maipagarop a bimtak.
Inpasigurado met ti DPWH nga awan dagiti empleyado a nadangran iti insidente.
Iti agdama, agtultuloy ti imbestigasyon ti ahensya tapno maestablisar ti kalawa ti perdisyon ken maliklikan a maulit ti napasamak.
