LAOAG CITY – Naarestar ti maysa nga online vape seller iti buy-bust operation iti Barangay 1, San Lorenzo ditoy siudad ti Laoag.
Ti suspek ket agtawen ti 47, naasawaan ken residente ti Barangay 47, Bengcag ditoy siudad ti Laoag.
Nakumpiskar dagiti otoridad manipud iti suspek ti sumurok-kumurang 5.2 grams nga agbalor ti 35,360 a pisos.
Malaksid iti daytoy, naala pay ti maysa a caliber .38 Revolver, tallo a bala ti caliber .38, buy bust money ken dadduma pay.
Naammoan a ti suspek ket maibilang kas High Value Individual.
Kabayatanna, sumango ti suspek ti kaso gapu iti panaglabsingna iti Republic Act No. 9165 wenno ti Comprehensive Dangerous Drugs Act of 2002 ken Republic Act No. 10591 wenno ti Comprehensive Firearms and Ammunition Regulation Act.
