LAOAG CITY – Inbatad ti gobierno ti Venezuela a pimmanawen ni opposition presidential candidate Edmundo González iti pagilian da ken nagturong idiay Espanya a nagkiddawan na ti political asylum.
Naglemmeng ni González kalpasan a naiparuk-atan ti arrest warrant kabayatan a pagdedebatean ti oposisyon ti resulta ti Presidential Election no sadinno a ti indeklarar ti government-controlled National Electoral Council (CNE) a nangabak ket ni President Nicolás Maduro.
Inrakurak ni Venezuelan Vice-President Delcy Rodríguez a kalpasan ti panagkiddaw ni Gonzalez ti tulong iti Spanish embassy iti Caracas, nagkiddaw pay iti Spanish government para iti political asylum.
Inpakaammo ni Rodriguez nga immanamong ti Caracas nga ipaayan da ti seguridad ni Gonzalez agingga iti ipapanaw da iti lugar.
Kabayatanna, kinumpirmaran ni Spain Minister of Foreign Affairs José Manuel Albares a pimmanawen iti pagilian da ni González babaen ti panaglugan na ti Spanish Air Force plane.
Innayon na a ti gobierno ti Spain ket obligasyon na nga ipaayan ti political rights ti amin a Venezuelans, karaman ditoyen ni González.
