LAOAG CITY – Inpila ti Spain iti European Union (EU) ti gakat a lippasenen ti Association Agreement daytoy iti Israel gapu iti maipagarup a panaglabsing iti international law basar ken ni Spanish Prime Minister Pedro Sánchez.
Iti political rally iti Andalusia, inbatad ni Sánchez nga isubmitir ti gobiernona iti European Union ti gakat inton bigat.
Inpettengna a ti addang ket saan a kontra iti Israeli citizen no diket kadagiti tignay ti gobiernoda.
Nagpanawagan isuna kadagiti dadduma pay a pagilian iti European Union a suportaran ti gakat.
Ti European Union–Israel Association Agreement a naipatungpal idi 2000, ti agserserbi a plano iti negosio ken kooperasion ti Israel iti nagbaetan ti European Union ngem mabalin daytoy a maawan no ti maysa a pagilian ket aglabsing iti human rights.
Kabayatanna, simmungbat met ni Israeli Foreign Ministry Gideon Sa’ar ken naglikudanna ti akusasion ti Espanya gapu iti maipagarup a panagbalin nga “hypocritical,” pakairamanan ti panangdakamat iti relasion daytoy kadagiti dadduma a pagilian kas ti Turkey ken Venezuela.
Naammoan a ti addang ti Spain ket manamnama a talantanen inton sumaruno a panagtataripnong ti European Union foreign ministers no sadinno a gudua ti takder dagiti miembro a pagilian.
