LAOAG CITY – Nakasaganan dagiti agar-aramid ti asin iti ili a Pasuquin ditoy probinsya ti Ilocos Norte iti panagbisita dagiti delegasyon ti ASEAN Forum.
Segun kenni Police Supt. Ferdinan de Asis, Information Officer ti PNP Regional Office, nakasagana metten ti PNP Burgos a mangipaay ti naiget a seguridad kadagiti delegasyon.
Kayat a maimatangan ti delegasyon ti wagas a pannakaaramid ti asin idiay Brgy. Estancia babaen ti pannakaluto na iti kayo.
Malaksid iti daytoy, ket bisitaen da pay ti Paoay sand Dunes, Windmill ti Bangui, ken lighthouse ti Burgos, Ilocos Norte.
Maipalagip a ti maysa kadagiti topiko ti forum ket seknan ti pannakaprotehir ti aglawlaw ken agngudo intono Disyembre 8.
