LAOAG CITY – Opisyalen nga indeklara ti The Philippine Atmospheric, Geophysical and Astronomical Services Administration (Pagasa) ti panangrugi ti dry season iti pagilyan.
Indeklara daytoy ti pag-asa kalpasan a naglippasen panawen ti northeast monsoon wenno angin amian.
Segun kenni PAGASA Administrator Vicente Malano, gapo iti daytoy ket manamnama a bumara pay ti panawen iti intero a pagilyan.
Gapo iti daytoy, binalakadan ni Manalo ti publiko para iti precautionary steps kas iti panaginom ti danom tapno maliklikan ti “heat stress” a mangitunda ti heat strokes.
Maipalagip a basar iti Pagasa, sakbay pay ti opisyal a panangrugi ti dry season ket nairekord ti Dagupan City idi Marso 6 ti highest heat index ita a tawen 2022 iti 51 degrees Celsius.
