LAOAG CITY – Naestablisaren ti Commission on Elections (COMELEC) ti pakabigbigan ti indibidwal nga adda iti likudan ti isyu a mangikon-konektar iti komisyon iti ado a bank accounts.
Nupay kasta, nagkedked paylaeng ti komisyon a mangipublikar ti nagan na ken ipabus-oy dan iti National Bureau of Investigation (NBI) nga isu ti mangiparuk-at ti pakabigbigan ti personalidad no iparuk-at dan ti bukbuklen da a report.
Iti pannakasaludsud ken ni Commission on Election Chairman George Garcia no ti Smartmatic ti adda iti likudan ti isyu, insungbat ti opisyal a ti laengen National Bureau of Investigation ti mangsungbat iti daytoy.
Immunan a nagtalinaed ti takder ti komisyon nga agpapada a naar-arami laeng dagiti nasao a bank accounts.
Inpasingked pay ti komisyon a saan a pumanaw wenno agpila ti resignation dagiti commissioner, karaman ni Chairman Garcia.
Immuna iti daytoy, nagkari ni Garcia nga agpila ti kaso kontra kadagiti nangiparuk-at kadagiti naar-aramid a bank accounts a maikonkonektar iti komisyon.
Rumrumuar a dagiti nasao nga account ti maipagarop a pakaiderderetsoan ti kwarta nga idepdeposito ti Miru Systems.
