LAOAG CITY – Saanen a nangipaay ti komento ti Malakanyang iti nagbalin a banat ni dati a Presidente Rodrigo Duterte ken ni Presidente Ferdinand Marcos Jr.
Segun ken ni Acting Presidential Communications Office (PCO) Secretary Cesar Chavez a saandan nga agkomento seknan kadagiti nagbalin a banat ti dati a Presidente.
Maipalagip a binabalaw ni Duterte ti administrasion ni Presidente Marcos gapu iti agtultuloy a panagngato ti presio ti bagas.
Naminsan pay a binabalaw ti dati a Presidente ni Marcos a daytoy ket agtultuloy nga agus-usar ti iligal a droga.
Inaramid ti dati a Presidente ti pammabalaw idi nagatendar isuna iti proclamation rally ti partido PDP Laban.
