LAOAG CITY – Nagtalinaed a covid-19 free iti pagilyan a Palau a paset ti Micronesia region iti western Pacific Ocean.
Daytoy ti report ni Mr. Philip Llanes Salvador, taga Barangay Nalbo ditoy ciudad ti Laoag ngem agpada nga agtrabtrabaho idiay Palau kas security guard iti Australian compound dagiti Navy.
Inlawlawag na nga awan pay ti nagpositibo ti covid-19 iti nasao a pagilyan ngem adda dagiti nairekord a Person Under Investigation (PUI).
Inbaga ni Salvador nga uray awan pay ti nairekord a kaso iti nasao a pagilyan ket inkabilen ti gobierno iti lockdown tapno masigurado a saan a makastrek ti virus.
Innayon na nga amin a flights ket nakanselar tapno masigurado nga awan dagiti makastrek nga aggapo iti sabali a pagilyan a possible nga infected ti makapatay a virus.
Nupay kasta, gapu iti pannaka-kanselar dagiti flights ket awanen dagiti turista a makapan idiay Palau isut gapuna nga ado dagiti Pilipino iti lugar a napukawan ti trabaho ken adda pay dagiti napagawid ditoy Pilipinas.
Inpakaammo ni Salvador nga arigna turista ti pagbibiagan ti nasao a pagilyan isut gapuna a kaadoan a trabaho iti Palau ket adda ti pakainaigan na iti turismo.
