LAOAG CITY – Maisagsaganan ti maipila a kaso a panaglabsing iti R.A. 10591 kontra ken ni Nerwin Ednilao y Semana, agtawen ti 46, naasawaan, maysa a mannalon ken residente idiay Brgy. Bungro, Pinili, Ilocos Norte.
Daytoy ket kalpasan a naalaan iti maysa nga homemade Cal. 22 Magnum nga addaan iti maysa nga atiddog a magazine ken walo a bala para ti cal. 22 magnum.
Malaksid ti daytoy, nakarekobre pay dagiti otoridad iti 5 a fired cartridges iti Cal. 22 Magnum, maysa a cartridge ti Cal. 22 Magnum ken maysa a Samsung cellphone.
Immuna ti daytoy, ginandat ti suspek iti aglibas apaman a nakita na dagiti otoridad ngem awan ti nagtarayan na.
Iti agdama, nagtalinaed ti kustudyar ti PNP-Pinili ti suspek bayat ti pannakaisagsagana ti kaso a maipila kontra kenkuana.
