LAOAG CITY – Nakumpiskar ti kalibre 45 a paltog iti maysa a security a guard kalpasan a naganawa daytoy iti nagprobokar a grupo dagiti lallaki iti maysa a pasdek negosyo ditoy ciudad ti Laoag.
Nabigbig ti security guard a ni Randolph Agliday, agtawen 29, taga Brgy. Catagtagen, Banna ngem temporaryo nga agnanaed iti Brgy. 28 Prieto St. ditoy ciudad.
Inmuna iti daytoy, nagprobokar dagiti saanen nabigbig a grupo iti lallaki a rason a napan naganawa iti mismo agtagikukua ti pasdek negosyo karaman ni Agliday.
Kasaruno iti daytoy nga adda ti maysa a lalaki a kustumer a timmilpak iti maysa pay a kustumer a kadwa dagiti grupo ti lallaki a nangitunda iti komusyon.
Gapo iti daytoy, napan naganawa ni Agliday a rason ginandat dagiti grupo nga agawen iti paltog manipod kenkuana.
Naamoan a pimmutok iti nasao a paltog ngem nagsaet iti buli na .
Iti agdama, nagtalinaed iti paltog iti kustudyar iti otoridad para iti agtultuloy a panagimbistigar da iti nasao nga isyu.
