LAOAG CITY – Nakoronaan ti pambato ti Pilipinas kas Reina Hispanoamericana 2025 iti coronation night a naiyuswat iti Santa Cruz, Bolivia ita nga aldaw ti Lunes, Pebrero 10, oras ditoy Pilipinas.
Inabak ti Pinay beauty queen dagiti 24 a dadduma pay a kandidata iti international competition ken naipasa kenkuana ti korona manipud ken ni 2023/2024 winner Maricielo Gamarra ti Peru.
Iti finals ti pageant, inrampa ni Dia Maté ti gold gown-na nga indisenio ni Rian Fernandez.
Malaksid iti major crown, naiyawid pay ti Filipina beauty queen manipud iti Cavite ti Best in National Costume award no sadinno nga insuotna ti Ehrran Montoya dress iti Baroque Churches ti Pilipinas.
Naammoan a ni Maté ti maikadua a Pinay beauty queen a nangabak kas Reina Hispanoamericana kalpasan nga immuna a napangabakan ni Winwyn Marquez ti nasao a title idi 2017.
Ti pinay pride a ni Maté ket maysa met a singer-model ken ti nobia ti sikat a singer a ni JK Labajo.
Immuna a simmabak ni Maté iti 2025 Miss Universe pageant no sadinno a nakaawat isuna ti special title manipud iti maysa nga sponsor ngem napaay daytoy.
Kabayatanna, nangabak met kas 1st runner up ni Miss Colombia, 2nd runner up ni Miss España, 3rd runner up ni Miss Perú, 4th runner up ni Miss Brazil ken 5th runner up ni Miss Polonia.
