LAOAG CITY – Inbatad ni Vice Mayor Jonathan De Lara Brgy. San Juan ken Brgy. Santiago a naiget ti panagmonitor ken panagresponde da kadagiti residente iti ili ti Solsona gapu pay laeng iti Bagyo Carina.
Segun kenkuana, nangipaayda ti relief goods kadagiti 7 a pagtaengan; dua iti Brgy. Santiago ken 5 iti Brgy. San Juan.
Innayonna a nga adda ti naawatda a report maipanggep ti nalayos a pagtaengan no sadinno dagosda a rinespondean.
Mainaig iti daytoy, kinuna ti Bise Mayor a napanda nagmonitor kadagiti nagduduama a barangay iti ili ti Solsona partikular kadagiti naperdian a dike iti Brgy. Lipay, Brgy. Nalasin, Darasdas, Barcelona, Santiago ken Brgy. Talugtog.
Kinunana, nakasagana dagiti rescue operations ti Municipal Disaster Risk Reduction Office nangruna kadagiti equipments ken dagiti residente a maibakwit.
Kabayatanna, naiget ti panagmonitor dagiti opisial ti lokal a gobierno pakairamanan dagiti barangay officials iti Brgy. Laureta iti Gasgas River.
