LAOAG CITY – Pursigido ti pamilya ni Froilan Mark Racca, agtawen ti 29, nga agpila ti reklamo kontra ken ni Barangay Chairman Rogie Dancel, agtawen ti 55, naasawaaan, agpada a residente iti Barangay Lipay iti ili ti Solsona.
Daytoy ti inbatad ni Police Capt. Randy Damo, ti Chief of Police iti ili ti Solsona.
Segun ken ni Damo, ti biktima ket stable ngem agtultuloy paylaeng a maob-obserbaran gapu ta ti natamaan ti bato ket ti mismo nga agongna.
Kuna na a basar kadagiti nakaimatang ti napasamak ket kalpasan a dinanog ti kapitan ti bato ti agongna ket natumba ken napukawan ti poot.
Innayon na a madlaw nga adda ti madi nga intensyon ti kapitan no ti pagibasaran ket ti pinagarmas na a bato gapu ta no mapurwan ti pangiyarmaran na ket possible a sabali ti pagbanagan na.
