LAOAG CITY – Agtultuloy pay laeng iti imbestigasyon dagiti kameng ti Philippine National Police (PNP) mainaig iti pannakapaltog a poon ti nakatayan ni Jason Rondal iti paset ti Barangay Capangdangan idiay Pinili, Ilocos Norte.
Daytoy ti inbatad ni Police Chief Inspector Jephre Taccad, ti chief of police iti ili a Pinili iti eksklusibo nga interview kenkuana iti Bombo Radyo Laoag.
Immunan nga inbatad ni Taccad a ni Rondal ket taga Barangay Napu iti ili a Badoc ngem napan laeng iti Barangay Capangdangan iti ili a Pinili tapno mapan agbuya ti liga iti basketball.
Segun ken ni Taccad, nakasarsarita dan dagiti nagannak ti biktima tapno maamoan no adda dagiti karirriri na wenno adda ti ammo da nga akin-aramid ti krimen.
Innayon na nga addan dagiti sumagmamano a kitkitaen da nga anggulo iti napasamak a krimen.
