LAOAG CITY – Saanen a mabalin a mamulaan dagiti kabanbantayan a masansan a mapupuoran gapu ta agbaliw ti kalidad ti daga.
Daytoy ti inlawlawag ni Mr. Victor Dabalos, mangidadaulo ti Provincial Environment and Natural Resources Office (PENRO).
Patienna a saanda a nagkurkurang nga agballaag iti publiko seknan iti forest ken grass fire ngem masansan latta nga adda iti mai-report gapu iti daytoy a banag.
Mainaig iti daytoy, kunana a saanen nga ikonsiderar pay dagiti area a napuoran tapno pagbalinen a plantasion iti masakbayan.
Gapu iti daytoy, kuna ni Dabalos a no adda ti pasamak ket ipangpangrunada a protektaran dagiti plantasion tapno saan dagitoy a madadael.
Iti sabali a bangir, inlawlawagna nga adda dagiti Barangay Ranger Officer a kadua nga agbantay ngem kaadoan a pasamak kunana a no makadanon dagiti Barangay Ranger Officer ket nagkayamkamton ti apoy.
