LAOAG CITY – Dagus a naibakwit ti 176 nga indibidual a nakalugan ti Air Busan Airbus A321 kalpasan a nauram ti sumagmamano a pasetna.
Agturong koma idiay Hong Kong manipod Gimhae International Airport iti southeastern Busan ti eroplano idi napasamak ti pannakauram na.
Adda ti pakabuklan a 169 a pasahero ken pito a flight attendants ken staff ti dagus a naibakwit.
Naamoan nga adda met ti tallo nga indibidual a nagsagaba ti sugat iti bagina.
Basar iti report, nasebseban ti apoy kalpasan ti tallo nga oras.
Agtultuloy ti imbestigasyon dagiti otoridad tapno maamoan no ania ti nakauraman ti nasao nga eroplano.
