LAOAG CITY – Rinugianen ti gobierno a gumatang ti irik iti nangatngato a a presio tapno mapapigsa ti buffer stocks ti pagilian ken birok dagiti mannalon.
Mainaig iti daytoy, inpangato ti National Food Authority Council ti presio ti panaggatang ti presko wenno nabasa nga irik iti P17 agingga P23 manipod iti P16 agingga P19 iti kada kilo idinto ti nadalus ken namaga ket dumanon iti P23 agingga P30 manipod iti P19 agingga P23 kada kilo.
Kabayatanna, inbatad ti Department of Agriculture a ti panagngato ti presio ti irik ken mangiduron iti lokal a produksion ti bagas.
Kuna ti National Food Authority nga isardeng ti single pricing system tapno igasang-gasat ti presio ti suporta nga ipapaay dagiti sumagmamano a Local Government Units tapno makatulong a mapasayaat ti birok dagiti mannalon.
Dinakamat ti ahensia nga inikkat ti rice tariffication law ti rice trading responsibilities manipod iti National Food Authority a mabalin a mangisayanagkat ti buffer stocking tapno masigurado ti suplay ti bagas iti panawen ti didigra.
Kabayatanna, ti nasao a linteg ket isu ti mangibilin iti National Food Authority a mapagtalinaed ti stock iti nasurok-kumurang a 300 a ribu a tonelada ti bagas a kuna ti ahensia nga umdas para iti 9 nga aldaw a panagkonsumo.
