LAOAG CITY – Inrakurak ni Iranian Foreign Minister Abbas Araghchi nga agtalinaed a “completely open” ti Strait of Hormuz, a maysa kadagiti kapatgan a ruta ti world trade ti langis, agingga a maipatpatungpal ti ceasefire iti Middle East.
Iti maysa a post iti X (dating Twitter), inbatad ni Araghchi a ti Strait of Hormuz a pagdalyasatan ti amin a komersyal a barko sket gatalinaed a silulukat para iti nabatbati a panawen ti ceasefire.
Nupay kasta, saan a nalawag no ti dakdakamaten a ceasefire ket ti 10 nga aldaw a katulagan iti nagbaetan ti Lebanon ken Israel wenno ti immunan a dua a lawas a ceasefire iti nagbaetan ti Iran ken Estados Unidos a nangrugi idi Abril 8.
