LAOAG CITY – Inpetteng ni Senador Rodante Marcoleta a nasken a saan a nagsarita ni Senador Erwin Tulfo kontra kadagiti kakaduana a Senador.
Daytoy ti reaksion ni Marcoleta kalpasan nga inrakurak ni Sen. Erwin a para iti dua nga agpanpanday linteg a posible a maibalud iti uneg ti dua a lawas isu nga ipayal-alisto ti mosyon tapno palubosan ti Senador a makaatendar iti sesyon iti babaen ti videoconferencing.
Inpaganetget ni Marcoleta a no pudno nga isakit ni Sen. Erwin dagiti padana a Senador ken kas agkakadua iti maysa nga institusion, nasken a saanna nga inaramid ti nasao a banag.
Kunana a ti panpanunoten ni Tulfo a ti mosyon ket para kadagiti Senador a manamnama a maibalud ket gapu ta kalikagumna a ti mosyon ken naan-anay a maibalud dagiti kakaduada iti Senado.
Inlawlawagna a saan a maipanggep kadagiti padada a Senador a posible a maibalud ti mosyon no diket panag-take advantage iti panagusar ti kabaroanan a teknolohia kas ti ar-aramiden ita ti Commission on Elections.
Nadismaya ni Marcoleta a saan a nakadebate idi Martes ti rabii gapu ta maysa kadagiti mapagsasaritaan ket ti panangipalubos ti videoconferencing ti maysa a Senador ngem daytoy ket nasken nga adda ti nainkalintegan a kondision.
