LAOAG CITY – Temporario nga inkeddeng ti Sandiganbayan Third Division ti panagdengngeg para iti preventive suspension ni Senador Rodante Marcoleta inton Martes, Agosto 18.
Maiwayat iti umuna nga aldaw ti bail petition hearing ti Senador para iti kaso a plunder inton Setiembre 3.
Inanunsio daytoy ti Sandiganbayan Third Division chairperson Associate Justice Karl Miranda kabayatan ti pretrial proceedings ni Marcoleta ken ti tallo a co-accused-na iti non-bailable case.
Immuna iti daytoy, inbilin ti korte idi Hulio 22 ken ni Marcoleta nga ilawlawag ti rason no apay a saan a rumbeng a temporario a masuspenso kas Senador.
Mainaig iti daytoy, nagisubmitir ni Marcoleta ti manifestation-na idi Agosto 3 nga agkidkidaaw a lappedan ti panagiyisyu ti preventive suspension-na ngem awan pay komento ti prosekusion mainaig iti daytoy.
Kabayatanna, kinumpiramaran ti mahistrado a nangipasa ni Marcoleta ken ti kaduana nga akusado ti bukkudda a petision tapno makapiyansa.
Maipalagip a sumangsango ni Marcoleta kaduana da dati a Representative Mike Defensor, Joseph Espiritu ken Aristotle Viray iti kaso a plunder mainaig iti maipagarup a saan a panangideklarar ti P75 million campaign donations ti Senador idi 2025 elections.
