LAOAG CITY – Immapela ni Barangay Chairman Amerlito Nicolas iti Brgy. Tangid ditoy siudad ti Laoag kadagiti umili a tagibinen ti aglawlaw babaen iti nasayaat a panagibelleng kadagiti basurok.
Daytoy ket kalpasan a nakakolektar da ti umabot iti 150 a kilo ti basura iti paset ti bypass road a masakupan ti barangay na.
Segun ken ni Nicolas, bayat ti panagpatpatrolya dagiti tanod ti barangay ket dita a naobserbaran nga ado ti basura a naiwarang.
Kuna na a saan na a masinunuo nu paggapoan ti ado a basura rason nga addan ti pannakikoordenar na iti lokal a gobierno ditoy siudad ken iti PNP.
Immuna iti daytoy, inpakaammo ni Nicolas a dagiti agpaspasyar iti bypass ti ipagarup na nga agiwarwarang ti basura nangruna kadagiti agtambay ti rabii.
Innayun na a malaksid iti basura ket addan ti gundaway nga adda ti naiwagang a natay a nadingwen iti bypass.
Mainaig iti daytoy, kuna ti kapitan nga ad-adda a naigetan ti panagpatrolya dagiti tanod ti barangay da tapno maantisiparan dagiti gandat na ti agiwarang ti basura.
