LAOAG CITY – Mangipila ti Philippine National Police – Criminal Investigation and Detection Group (PNP-CIDG) ti reklamo kontra ken ni Senador Robin Padilla ken dadduma pay gapu iti maipagarup a panangtulongda ken ni Senador Ronald “Bato” dela Rosa nga aglibas ti senate premises.
Inbatad ti Criminal Investigation and Detection Group (CIDG) nga irefer-da ti reklamo iti National Prosecution Service ti Department of Justice (DOJ) gapu iti mapapati a panaglabsing iti Presidential Decree No. 1829 wenno obstruction of justice.
Segun iti ahensia, saan laeng a simple a hitch ride ti panangipalugan ni Padilla ken ni dela Rosa no di ket highly coordinated, pre-planned logistical maneuver tapno maipagarup a malappedan ti pannakakita kabayatan ti panagtalawna iti Presidential Decree No. 1829.
Rimuar met iti imbestigasion nga adda pay sabali a lugan a nag-tail wenno sumursurot iti lugan ni Padilla, a mapapati a nagserbi a security escort ken backup car kabayatan ti panaglibas.
Inlawlawag ti CIDG a ti pannakaipila ti reklamo ket maiyataday iti mandatona a mangimbestigar kadagiti krimen ken pannakaipatungpal iti linteg a patas ken awan paboranna.
Kabayatanna, immunan a naglikudan ni Padilla a nagtalaw ni dela Rosa gapu ta kunana a nagkiddaw laeng ti padana a senador iti ride out iti Senado kalpasan a napasamak ti pammaltog idi rabii ti Mayo 13.
