LAOAG CITY –Kitaen ti Philippine National Police – Criminal Investigation and Detection Group (PNP – CIDG) no mabalinen a mawayawayaan ni dati a Department of Public Works and Highways (DPWH) Sec. Manuel Bonoan iti baet ti release order manipud iti Sandiganbayan 5th Division.
Segun kenni PNP Public Information Officer (PIO) Chief Police Col. Allen Rae Co, kitaen ti PNP-CIDG no adda pending warrants wenno kaso ti dati a sekretario sakbay a wayawayaanda iti kustodia da.
Impasigurado ni Co a no maduktalan nga awan ti pending warrant wenno kaso ni Bonoan ket wayawayaanda a dagus maibasar iti pammilin ni Sandiganbayan.
