LAOAG CITY – Inlawlawag ni Asst. Professor Leslie Corpuz iti Social Science Department iti Mariano Marcos State University (MMSU) a ti kapipintasan a tuladen iti agdama nga henerasyon manipud kenni Dr. Jose Rizal ket ti panangipateg na iti edukasyon.
Segun kenni Corpuz, inpakita ni Rizal nga awan iti kolor iti kudil iti panagbalin a nasirib iti laksid nga iti panawen da ket nakaro ti diskriminasyon.
Malaksid iti daytoy, kunana a masapol pay a tulagen dagiti agtutubo ti panagayat ti Rizal iti pamilya na.
Inbatad na pay a ti kapintasan nga adal a mapidot manipud iti biag ni Rizal ket ti panangsurot iti arapaap wenno aramiden ti amin tapno makagun-od daytoy ken agballigi.
