LAOAG CITY – Posible a maiyalud-od ti dua a bulan ti maysa a bulan ti panangipatungpal ti ₱50 a price cap kadagiti 5% broken imported rice tapno ma-stabilize ti retail price daytoy kadagiti tiendaan.
Daytoy ti rakurak ni Department of Agriculture (DA) Secretary Francisco Tiu Laurel Jr. tapno protektaran dagiti konsyumer kontra iti profiteering ken panangipatibker ti presio ti bagas gapu iti epekto ti gubat idiay Middle East.
Inbatadna nga awan pay ti ipatpatungpal a Suggested Retail Price (SRP) ti Department of Agriculture para kadagiti locally produced rice ngem adda ti gakat mainaig iti daytoy nga agtultuloy nga ad-adalenda.
Nupay kasta, posible daytoy nga ipatungpal ngem agbalin nga agduduma ti Suggested Retail Price iti kada rehion, kas iti Metro Manila a posible nga umabot iti ₱53 iti kada kilo ti Suggested Retail Price ti locally produced rice.
Kabayatanna, inlawlawag ni Laurel a saan a kasapulan a sumurot dagiti stakeholders ken retailers iti Suggested Retail Price gapu ta agserbi laeng daytoy a guide para kadagiti konsyumer ken boluntario nga inisyatibo laeng daytoy depende kadagiti retailers.
