LAOAG CITY — Posible a maitantan ti type 2 diabetes iti uppat a tawen wenno nasursurok pay ket nababbaba ti risgo ti ipapatay ken komplikasion iti diabetes, segun iti maysa a panagadal.
Dagiti nakipaset iti panagadal ket addaan iti prediabetes ken nangato a blood sugar ngem saan nga umdas tapno maibilang a type 2 diabetes.
Napaneknekan a makatulong dagiti programa iti estilo ti panagbiag a pakairamanan ti makapasalun-at a taraon ken regular a pisikal nga aktibidad a mangkissay iti peggad a makapataud ti type 2 diabetes.
Kabayatanna, basar iiti impormasion a ti panangsurot iti nasalun-at a taraon ken regular nga ehersisio ket saan laeng a makatulong a manglapped iti diabetes no di ket mangpaatiddog pay iti biag ken mangpasayaat iti kalidad ti salun-at.
