LAOAG CITY – Ad-adalenen ti Department of Justice (DOJ) no irekomendarda ken ni Presidente Ferdinand Marcos Jr. ti panangipaay ti executive clemency ken ni Mary Jane Veloso.
Inbatad ni Justice Secretary Eric Vida, kitkitaenda ti amin a posibilidad maipapan iti daytoy.
Kunana a planoda a kasarita ti pamilia ni Mary Jane kadagiti sumaruno a lawas.
Gagem nga ipakaammo iti pamilia dagiti nasken a namnamaen ken dagiti posible a pudno a mabalin a mapasamak iti kaso ni Veloso.
Immunan a nagkiddaw ti pamilia nga ikkan ti executive clemency ni Mary Jane tapno makadenna dagiti ay-ayatenna iti biag kalpasan ti sumurok 16 a tawen.
Nagtalinaed iti Correctional Institute for Women ni Veloso sipud simmangpet ditoy pagilian manipud Indonesia kalpasan a naisalakan iti death penalty iti lugar.
