LAOAG CITY – Saan a nakasubmitir ti ‘counter-affidavit’ ni Senador Robinhood ‘Robin’ Padilla iti naiyuswat a ‘preliminary investigation’ iti reklamo a sangsangoenna iti Department of Justice (DOJ).
Segun ken ni Atty. Jimmy Bondoc, abogado ti maysa kadagiti padana a respondent, nga adda pay kurang ti maipagarup a reklamo isu a saan a nagisubmitir ti ‘counter-affidavit’ ti senador.
Kunana nga adda da iti proseso ti panagkiddaw ti kopya ti naipila a reklamo ti Philippine National Police-Criminal Investigation and Detection Group (PNP-CIDG) kontra ken ni Sen. Padilla.
Maipalagip a pinilaan daytoy ti Philippine National Police-Criminal Investigation and Detection Group (PNP-CIDG) ti reklamo nga obstruction of justice.
