LAOAG CITY – Inaprubaran ti Sang. Panlalawigan ti resolusyon ti pannakaideklara ti Setyembre 11 kas Special Non Working holiday ditoy probinsya.
Daytoy ket mainaig iti panagkasangay ni dati a Presidente Ferdinand Marcos wenno ti President Ferdinand Edralin Marcos Day iti kada tawen.
Paset daytoy ti panangsuportar ti probinsya ni 2nd Distric Rep. Angelo Marcos Barba iti inpila na a gakat iti Kamara de Representantes.
Ti resolusyon ket inpasa ni Sang. Panlalawigan Member Davinci Crisostomo kabayatan ti maikalima a regular session ken naaprubaran daytoy babaen ti panangidaulo ni Vice Governor Cecilia Araneta Marcos.
