LAOAG CITY – Maragsakan ni Mayor Fidel Cimatu iti ili ti Bangui ti pannakadutok ti kabsat na a dati nga AFP Chief of Staff ken Ambassador Roy Cimatu.
Kunana nga idi nagbalin a kangrunaan a bisita ni Roy iti kalkalpas a panagpiyesta ti ili da ket naibaga na nga adda ti diaya ni Presidente Rodrigo Duterte a posisyon para kenkuana.
Nupay kasta, saan a kayat ni Gen. Roy Cimatu nga ibaga daytoy agingga a saan nga opisyal wenno pormal.
Inbatad ni Mayor Cimatu a dakkel a pakadayawan iti ili a Bangui nangruna iti sibubukel a probinsya ti pannakadutok ti kabsat na kas DENR secretary.
