LAOAG CITY – Mamati ti maysa a private lawyer a ni Atty. Juanito Antonio a legal ti pannakadutok ni Sen. Sherwin Gatchalian kas Acting Senate President ti Senado.
Segun kenkuana, ti sinurot dagiti Senador a kadua ni Gatchalian ket babaen iti jurisprudence idi 1949 nga agpapan kadagitoy a gundaway ket isu pay laeng ti maipatpatungpal aglalo ket awan pay ti nabalbaliwan wenno naamendaran iti daytoy.
Inbatadna a ti sinurot dagiti maseknan a Senador ket kas ti nagbalin a situasion iti Avelino vs. Cuenco no sadinno a no asino laeng dagiti adda wenno present iti session ket isuda ti addaan ti karbengan nga agbutos.
Inlawlawagna a valid iti panagtugaw kas Acting Senate President ni Gatchalian babaen iti 12 a butos dagiti Senador.
Maipalagip a nasukatan manen ti liderato ti Senado kalpasan a saan a nagatendar ni Sen. Alan Peter Cayetano ken dagiti dadduma pay a kaduana a Senador no sadinno nga ipetpettengna nga isuna latta ti legal a Senate President iti agdama.
