LAOAG CITY – Nairekomendar kenni Governor Matthew Marcos Manotoc ti pannakailockdown ti Kapitolyo Probinsyal gapu iti agtultuloy a panagngato ti bilang dagiti empleyado a makapkaptan iti covid-19.
Segun ken ni Major Roxanne Parado, Head ti Emergency Operation Center for COVID-19 Contact Tracing, daytoy ti inyuman na kadagiti health consultants ti probinsya.
Kuna na a maibasar iti national guidelines, no adda ti dua wenno adadu pay dagiti nagpositibo nga empleyado ti maysa a lugar ket masapol a maipan iti lockdown.
Inbatad na a manamnama a maiparuk-at ti desisyon ni Governor Manotoc ita nga aldaw seknan ti nasao a banag.
Immuna iti daytoy, naisayangkat ti disinfection kadagiti nagduduma nga opisina iti kapitolyo probinysal kangrunaanna iti Bids and Awards Committee Office, Accounting, Treasury, General Services Office ken Sustainable Development Center.
Kabayatanna, manamnama a dumalan iti swab test dagiti empleado a nakapulapol dagiti nagpositibo ti COVID-19 nga empleyado ti PGIN.
