LAOAG CITY – Manarimaanen ti pannakaurnos dagiti maiyuswat nga aktibidad para iti pannakaselebrar ti Malunggay Festival intono Hunyo ditoy Siudad ti Laoag.
Segun kenni Philippine Councilors’ League President Handy Lao, ti kangrunaan nga aktibidad ket ti Dulang Festival no sadinno a maipresentar dagiti nagduduma a taraon a naaramid babaen ti marunggay.
Inbatadna a sumaruno ket ti panagmula ti marunggay kadagiti arubayan wenno iti aglawlaw ti pagtaengan pakairamanan dagiti barangay nga addaan ti gulayan sa baranagy.
Malaksid iti daytoy, kunana nga adda pay ti planoda a mangipaay ti sertipikasion manipod iti opisina ti City Tourism a maysa ti Brgy. Sta Maria a maibilang kas tourism site.
Kabayatanna, kalikagom pay ni Lao nga adda ti maiyuswat nga agtibidad para kadagiti kameng ti LGBT Community gapu ta ta mairana pay nga LGBT Month.
