LAOAG CITY – Rimsua dagiti kinadamsak idiay Mexico kalpasan ti pannakapapatay ti maibilang kas “most wanted drug Lord” kalpasan ti operasyon para koma iti pannakaarestar na.
Ni Nemesio Oseguera Cervantes, wenno mabigbig kas “El Mencho”, ket isuna ti lider ti pagbutbutngan nga Jalisco New Generation (CJNG) drug cartel.
Pimmusay ni El Mencho kalpasan a nagsagaba ti nakana a sugat iti napasamak a rinnupak iti nagbaetan dagiti supporters na ken dagiti armado.
Ti panagibales iti pannakapapatay ti drug Lord ti nangitunda dagiti kinadamsak a naiwaras iti agarop 12 nga estado ti Mexico, karaman ditoyen ti pannakaserra dagiti kalsada ken pannakauram dagiti behikulo.
