LAOAG CITY – Indauloan ni Presidente Ferdinand R. Marcos Jr. ti maysa a gala dinner iti Malakanyang kas panangselebrar ti maika-50 nga anibersario ti Treaty of Amity and Cooperation in South Asia (TAC).
Kas Chair ti ASEAN ita a 2026, indauloan ti Pilipinas ti pananglagip iti katulagan a mangitantandudo ti kappia, kooperasion ken panangrespetar iti tumunggal maysa manipud idi 1976.
Mainaig iti daytoy, nakipaset ti katulagan ti Sweden, Poland, Romania ken Lithuania no sadinno umabot iti 62 dagiti pagilian a miembro.
Ti panagbitlana, inyarig ti Presidente Marcos ti diplomasia iti tradision ti Pilipino ti ‘hapag-kainan’ no sadinno nga agkakadua dagiti tattao nga agsinnarita ken agkinnaawatan.
Kunana a kas dagiti pamilia nga agkaskasya iti ‘hapag’ wenno lamisaan, dagiti lider ket maragpat ti kinakappia iti babaen ti panagsarsarita ken panagtitinnulong.
Nilagipna ti pakasaritaan ti Treaty of Amity and Cooperation in South Asia (TAC) ken dinakamatna a paset kadagiti nagpirma iti katulagan iti katulagan ti 1976 ti amana a ni dati Presidente Ferdinand E. Marcos Sr.
Segun iti Presidente a ti Treaty of Amity and Cooperation in South Asia (TAC) ket isimbolona ti panagtalek iti masakbayan ti Southeast Asia.
Kunana a ti anag ti bayanihan ket mangipakpakita ti panagtitinnulong ken panagkaykaysa dagiti Pilipino.
Rinugian ti Pilipinas ti maysa a commemorative postage stamp ken maysa a logo nga inspirasion ti sampaguita kas simbolo ti 50 a tawen ti kinakappia.
Inallukoy ni Presidente Marcos Jr. dagiti lider nga agtultuloy nga ipateg ti Treaty of Amity and Cooperation in South Asia (TAC) iti babaen ti panagtalek, komunikasion ken pagkaykaysa.
