LAOAG CITY – Indaulwan ni Presidente Ferdinand Marcos Jr. ti maysa a nalawa a job fair no sadinno a nagtitipon ti nasurok a 100 a kompanya ken rinibo nga aplikante.
Iti panagbitla ni Presidente Marcos iti Career Con 2025 iti Pasay City, kunana a gagem ti programa a maipababa ti unemployment rate iti pagilian.
Inrakurak ti presidente a naitampok ditoy ti panagsanay ken panangipaay ti umiso a kabaelan para kadagiti aplikante tapno makabiruk dagitoy ti dekalidad a trabaho.
Inpakaammo pay ti presidente a target ti gobierno nga aramiden a regular ti nasao a job fair.
Inpanakkel ni Presidente Marcos a gagem ti programa nga idanun ti oportunidad iti trabah, saan laeng nga iti National Capital Region no di ket amin a probinsya iti intero a pagilian.
