LAOAG CITY – Agtultuloy ti naiget a panangrebisar ni Presidente Ferdinand R. Marcos Jr. kadwa na dagiti economic managers ken dagiti gabinete na iti 2025 proposed national budget.
Daytoy ti inbatad ni Executive secretary Lucas Bersamin kagiddan ti panangipasigurado na a maiyataday iti nakailanad iti Konstitusyon ti aprubaran a budget ti presidente para iti sumaruno a tawen.
Segun ken ni Bersamin, agan-annad laeng ti presidente, saan laeng nga iti panagplano ti budget ngem ketdi uray iti panangbusbos kangrunaan na ket limitado ti fiscal sources.
Kuna pay ni Bersamin a siguradwen da a prayoridad ti budget dagiti kangrunaan a legacy thrust ti Administrasyon.
Immunan a nangipaay ti petsa ti Palasyo a target a panangpirma ti presidente iti podno intono Lunes, Disyembre 30 ita a tawen.
