LAOAG CITY – Nakaala ni Presidente Ferdinand Marcos Jr. ti sumurok USD 1.9 bilyon a baro a panagpuunan iti mining ken technology sector kalpasan a nakitaripnong kadagiti opisial ti sumagmamano a kompania idiay Vancouver, Canada.
Mangilatang ti OceanaGold Corporation ti $1.9 bilyon tapno palawaen ti agingga inton 2037 ti operasion ti Didipio Gold-Copper Mine iti Nueva Vizcaya ken Quirino.
Ag-invest ti B2Gold Corporation ken Filminera Resources Corporation ti $14 milyon para iti panangpalawa ti solar power facility ken exploration program ti Masbate Gold Project.
Mangipalawa pay ti NQX ti operasion daytoy iti Pilipinas iti babaen ti $10.3 milyon nga investment iti uneg ti tallo a tawen para iti customer experience ken software engineering operations a manamnama a mangpartuat ti ad-adu nga high-tech a trabaho.
