LAOAG CITY – Inadmitir ni Agent Lanibel Ancheta, ti Provincial Officer ti PDEA-Ilocos Norte a makaalarma ti marekrekonbre a floating cocaine iti baybay a paset ti Pilipinas.
Nupay kasta, kuna ni Ancheta a ditoy Ilocos Norte ket awan pay ti namonitor da a sumsumrek wenno makitkita da a tumtumpaw a droga iti kabaybayan a paset ti probinsya.
Segun kenni Ancheta, makisarsarita da kadagiti barangay nga adda iti igid ti baybay tapno katulungan da nga agmonitor no adda man ti insidente seknan iti droga a sumrek ditoy probinsya.
Inbatad na nga adda pay ti maiyus-uswat nga inspeksyon kadagiti barko a sumangsanglad ditoy probinsya.
Inlawlawag ni Ancheta a ti inspection team ket pakairamanan ti BOC, BI, Phil. Coastgurad, quarantine, PNP ken PDEA kasta met nga adda ti K9 unit a kadwa da.
