LAOAG CITY – Ti personal remittances manipud iti Overseas Filipinos (OFs) ket dimmur-as ti 2.7 a porsiento iti US$3.42 bilyon idi Oktubre 2024 manipud iti US$3.33 bilyon a nairekord idi Oktubre 2023.
Daytoy a panagngato ket nakita iti remittances manipud iti kapada a land-based ken sea-based a mangmangged.
Kageddan daytoy, ti pakabuklan a remittances manipud idi Enero agingga Oktubre 2024 ket ngimmato ti 3.0 a porsiento iti US$31.49 bilyon manipud iti US$30.57 bilyon a nairekord idi Enero agingga idi Oktubre 2023.
Naammoan a kadagiti personal remittances manipud iti Pinoy workers abroad, ti cash remittances a naipatulod babaen kadagiti bangko ket dumanon iti US$3.08 bilyon idi Oktubre 2024, nangatngato ti 2.7 a porsiento maidasig iti US$3.00 bilyon a nairekord idi Oktubre 2023.
