LAOAG CITY – Nangisayangkat ti Public Employment Service Office ditoy siudad ti Laoag ti Ablan Day job fair kagiddan iti panangobserbar ti maika-120 a tawen panagkasangay ni Governor Roque Ablan Sr.
Segun ken ni Ms. Shey Pia Abaya, mangidadaulo ti Public Employment Service Office ditoy siudad ti Laoag a malaksid iti panangobserbar iti panagkasangay ni Governor Roque Ablan Sr. ket paset daytoy ti pammilin ni Presidente Ferdinand Mrcos Jr. para iti pannakaisayangkat dagiti job fair no sadinno ket kalikagumda a mangipaay ti employment opportunities para kadagiti umili.
Inbatadna nga adda ti 20 nga ahensia no sadinno ket 19 ti local agencies ken maysa nga Overseas manpower agency ti nakipagpaset iti aktibidad.
Kabayatanna, kunana a kaadoan kadagiti employers ket ti retail industry.
